أكدت الفنانة المصرية زينة أنها لن تترك حق طفليها من الفنان أحمد عز وستظل مستمرة في القضية مهما طال العمر لأن لها حق وستأخذه.
زينة قالت في مداخلة هاتفية لها مع الإعلامية شيريهان أبوالحسن في برنامج “ست الحسن”: “عيب يا أحمد يا عز اللي انت بتعمله ده، فضحت نفسك وفضحتنا معاك، واللي انت بتعمله ده لا فيه رجولة ولا أخلاق، لأنك بتحارب ولادك الاثنين، اللي ميعرفوش الصح من الغلط، وكمان بتحارب طفلين وواحدة ست، اللي هي أمهم، اللي أنت اتجوزتها، واللي أنت عارف الحقيقة”.
زينة أكملت حديثها قائلة: “من مصلحتك أنك تعترف بالحقيقة، لأني لو عرفت الناس حقيقتك، أنت مش هتعرف تمشي في الشارع، لأن الناس هي اللي هتحكم عليك وقتها، أنا مش هسيب حقي يا أحمد عز، ومش هسيب حق عيالي وهاخده لأخر يوم في عمري، وهاخد حقي من حبابي عنيك، ومن مصلحتك أني أخد حقي وتبعد عننا”.
الفنانة المصرية أضافت في مداخلتها: “أنت المفروض فنان عندك إحساس أنا عملت التحليل 100 مرة وأنت شفت النتيجة، أنت كدبت كدبة وصدقتها حسبي الله ونعم الوكيل فيك، أنا عندي كتير وساكتة عشان خاطر ولادك وعيب اللي بيتقال عني من محاميتك دا.. دا أنا قعدت بولادك 4 شهور في المستشفى مسألتش فينا”.
زينة أكدت أنها لم تكن تعرف حقيقة عز حتى جاءت إلى مصر وتفاجأت بموقفه منها، وأنه طوال الوقت كان يطمئنها، لافتة إلى أنها لن تترك حق أولادها لآخر نفس فيها وأنها واثقة في القضاء المصري.
